ترجمان سپارکو کے مطابق پاکستان کا جدید ریموٹ سینسنگ سیٹلائٹ کامیابی سے مدار میں پہنچ گیا ہے۔
ترجمان کا کہنا ہے کہ سیٹلائٹ نے گراؤنڈ اسٹیشنز سے مستحکم رابطہ بھی قائم کر لیا، اور ہائی ریزولوشن تصاویر زمین پر بھیجنے کا عمل شروع ہوچکا ہے، جبکہ سیٹلائیٹ کی مدد سےشہری منصوبہ بندی اور انفراسٹرکچر ڈیولپمنٹ میں انقلاب آئے گا۔
یہ سیٹلائٹ قدرتی آفات کی بروقت مانیٹرنگ میں معاون ثابت ہوگا، سیلاب، زلزلے اور لینڈ سلائیڈنگ کے فوری ڈیٹا سے ریلیف ممکن ہوگا، جبکہ سیٹلائیٹ سے ماحولیات میں گلیشیئر پگھلنے اور جنگلات کی کٹائی کی نگرانی ممکن ہوگی۔
یہ بھی پڑھیں:پاکستان نے نیا ریموٹ سینسنگ سیٹلائٹ لانچ کر دیا
ترجمان سپارکونے بتایا کہ اس سیٹلائیٹ سے زراعت میں فصلوں کی نقشہ سازی اور پانی کے وسائل کے بہتر استعمال میں مددملے گی، جبکہ یہ غذائی تحفظ اور زرعی پیداوار بڑھانے میں اہم کردار ادا کرے گا، اس کے علاوہ اس سے سی پیک منصوبوں میں جغرافیائی خطرات کی شناخت اور نیٹ ورکس کی نقشہ سازی ممکن ہوگی
